Мемлекет кепілдік берген заң көмегін көрсету жүйесіне қатысу үшін адвокаттарды іріктеу туралы

«Адвокаттық қызмет және заң көмегі туралы» Қазақстан Республикасы Заңы 28-бабының  5, 6-тармақтарына және Республикалық адвокаттар алқасының төралқасы 2016 жылғы 11 наурызда (№ 12 хаттама) бекіткен Мемлекет кепілдік берген заң көмегі жүйесіне қатысу үшін адвокаттарды іріктеу өлшемшарттары туралы ережесіне сәйкес, Нұр-Сұлтан қалалық адвокаттар алқасы мемлекет кепілдік берген заң көмегін көрсету жүйесіне қатысу үшін адвокаттарды іріктеу басталғаны туралы хабарлайды.

Мемлекет кепілдік берген заң көмегін көрсету жүйесіне қатысқысы келетін адвокат Нұр-Сұлтан қалалық адвокаттар алқасына Республикалық адвокаттар алқасының төралқасы бекіткен нысан бойынша өтініш береді.

Өтініш нысаны жоғарыда аталған Ереженің қосымшасында көрсетілген. Қалалық адвокаттар алқасының төралқасына өтінішті адвокат қолма-қол, пошта немесе электронды байланыс арқылы жібереді. Өтінішке адвокаттың салық органында  тіркелгенін растайтын құжат қоса беріледі.

Мемлекет кепілдік берген заң көмегін көрсету жүйесіне қатысатын адвокаттар тізіміне қосудың артықшылықты құқығы кешенді әлеуметтік заң көмегін көрсететін адвокаттарға беріледі.

Өтініш берудің мерзімі – 2019 жылдың 1 қазанына дейін.

(Нұр-Сұлтан қалалық адвокаттар алқасының сайтындағы материалдар негізінде)